Musikalen magia, konpartsarekin

Bi urtetik behin egiten den Getariako Konpartsaren emanaldiak berriro arrakasta izan du. Salbatore Egunari amaiera emateko antolatuta zegoen saioak aho zabalik utzi zuen beste behin herritar eta bisitariak. Isaak Aranberri zumaiarrak prestatutako koreografia primeran atera zuten dantzariak eta emanaldi oso dotorea atera zuten aurrera. Ez da lan erraza izaten horrenbesteko talde bat antolatzea baina esperientzia handia du Isaakek eta beste urte batez ikuskizun ederra borobildu du. Musika eta dan-tza egoki bateratuta eta herritar neska eta mutilen lana goraipa-tzekoa izan zen, beti irribarre bat ahoan zeramatela. Salbatore jaietako une berezienetakoa izan da baina oraindik ez dira amaitu eta azken eguna aprobetxatu gaur.