Bi musika emanaldi izango dira bihar Getarian

Gabonetako Jaialdia. Herriko musikariek emango dute bihar eguerdian urteroko saioa. /  AMAXKAR
Gabonetako Jaialdia. Herriko musikariek emango dute bihar eguerdian urteroko saioa. / AMAXKAR

J.S. Elkano Musika Eskolak antolatuta eguerdian Gabonetako Jaialdia elizan eta arratsaldean toki berean LUT ahots taldearen saioa

JUAN MARI ZUBIAURRE GETARIA.

Urtero abendua heltzen denerako J.S. Elkano Musika Eskolak Gabonetako Jaialdia antolatzen du eta bihar eguerdian izango dute hitzordua musikazale guztiek. Ez da eguneko musika saio bakarra izango, arratsaldean LUT ahots taldearen emanaldia iragartzen baita.

Arratsaldeko 13:00etan Salbatore elizan izango dute musikazaleek lehenengo aukera musikaz goza-tzeko. Gabonetako jaialdi honetan parte hartuko dute J. S. Elkano Musika Eskolako musikariek, Getariako Salbatore Deuna Abesbatzak eta Gazte Alaiak Txistulari taldeak.

Dena den bertaratzeko asmoa duzuenoi Musika Eskolatik ohar bat bidali nahi zaizue. Jakitera eman dutenez emanaldia 13:00etan hasiko bada ere 12:50ak aldera arte ez dituzte Salbatore Deunaren elizako ateak irekiko, ordura arte prestaketa lanak egin behar baitituzte antolakuntzako kide eta musikariek.

Bestalde, eta ohikoa denez, matrikulazio epea irekiko du J.S. Elkano Musika Eskolak, izen emate berriak, musika tresna aldaketak edo bajak jasotzeko. Hilaren 18tik 20ra bitartean, arratsaldeko16:00etatik 18:00etara musika eskolan egin ahalko dira aipatutakoak edo bestela email bitartez ere egin daitezke getamusika@gmail.com helbidera zuzenduz. Musika eskolatik anima nahi zaituztete izena ematera edo edozein zalantza argitzera.

LUT ahots taldea

Goizeko saioan protagonistak herriko musikariak izango badira, arratsalderako LUT ahots taldeko kideak izango dira Salbatore Deunaren elizan, 19:30ean hasiko duten emanaldian. LUT ahots taldea 2009an sortu zuten Musikeneko zenbait ikasleren ekimenez. Izan ere, beren bizitza akademikoan hu-tsune bat zegoela sentitzen zuten, ez zeukaten elkarrekin abesteko gunerik. Hala, Marcel Ortegaren eskutik, lehenbizi, eta Alberto Palacínen laguntzaz gero, LUT taldeak bere ibilbideari ekin zion, proiektu propio gisa, Musikene ikastegitik bananduta. Beti izan da gizon-emakumez osaturiko taldea, baina, iaz, gaur egungo zuzendariak, Nize M. Crespok, emakumez osaturiko talde bihurtu zuen. Aurten, hala ere, proiek-tu zabalago bati heldu dio berriro, gizon-emakumez osaturiko taldearen eta emakumezkoen taldearen jarduerak uztartuz.

Emanaldia bi zatitan banatuta egongo da. Lehenengoan J. J. Brac-kenborough, A. Lotti, G. B. Pergolesi eta M. Kocsár musikarien lanak entzun ahal izango dira eta bigarren zatian berriz J. Sanchis Cuarteroren gabon kantak, lurra, haizea, ura eta suari zuzendutakoak.

Contenido Patrocinado

Fotos

Vídeos