'Merkaurola' ikerketaren kontsumo ohituren emaitzen aurkezpena

Hilaren 19an merkatarientzat aurkezpena izango da udaletxan, 14:30ean

K. ARRIZABALAGA ZESTOA.

Eskualdeko kontsumo ohituren inguruan egin den azterketaren aurkezpena egingo da urriaren 19an, 14:30etan, Zestoako Udaleko pleno aretoan, batik bat merkatariei begira. Eskualdeko kontsumo ohiturak ezagutzeko, Azkoiti, Azpeiti eta Zestoako udalek, Dendartean -Gipuzkoako merkatari, ostalari, zerbitzu enpresa eta autonomo elkarteen bilkura-, Herrixen -Azkoitiko Merkatarien Elkartea-, Bertan -Azpeitiko Merkatarien Elkartea, Zestoan -Zestoako Merkatarien Elkartea- eta Iraurgi Berritzenek -Urola Erdiko Garapen eta Berrikuntza Agentzia- lankidetzan landu duten ekimena izan da, 'Merkaurola'. Egin den azterketan jasotako emaitzak eskualdeko merkatariekin elkarbanatzeko udalerri ezberdinetan lan bilerak antolatuko dira. Bilerak irekiak dira parte hartu nahi duen edozein merkatarirentzat.

'Merkaurola' egitasmoa uda aurrek hasi zen, eta 1.050 galdetegi egin ziren telefono bidez Azkoitia, Azpeitia, Zestoa, Beizama, Aizarnazabal eta Errezilgo udalerrietan, eskualdeko kontsumo ohituren berri zehatza izateko asmoarekin.

Orain, ondorioak eskuetan ditugula, bilerak antolatu dira herriz herri eta Zestoako kasuan, hilaren 19an, osteguna, 14:30tan udaletxeko pleno aretoan izango da. Bertan, Zestoako kontsumo ohiturei buruzko datu interesgarriak partekatuko dira.

«Dei egin nahi diegu herriko merkatariei bertan parte hartzera eta beraien ekarpenak egitera», diote antolatzaileek. Aipatutako bilera merkatari guzientzat dago irekia, elkarteko kide izan edo ez.

Fotos

Vídeos