'XXI. Mendeko Iraultzak bultzatuz' gaia jorratuko du Arnaldo Otegik

Arnaldo Otegi Iturzaeta eskolan egongo da hitz egiten gaur./
Arnaldo Otegi Iturzaeta eskolan egongo da hitz egiten gaur.

'1917ko Errusiako iraultza' izenburupean sei solasaldi prestatu ditu Kartak eta gaur lehenengoa 19:00etan

JUAN MARI ZUBIAURRE GETARIA.

Getariako Eskubide So-zialen Kartak jardunaldi batzuk antolatu ditu urria eta azaroan zehar. '1917ko Errusiako iraultza' izenburupean sei solasaldi prestatu dituzte eta lehenengoan gaur Arnaldo Otegi izango da Iturzaeta Herri Eskolako aretoan 19:00etatik aurrera. Berak jorratuko duen gaia 'XXI. Mendeko Iraultzak bultzatuz' izango da. Ondorengo bost saioak Ulpiano Etxean burutuko dira. Hilak 25ean 19:00etan Marcos Roitman arituko da 'Influencia de la Revolución Rusa en Latinoamérica' gaiaren inguruan hitz egiten. Azaroan 8an arratsaldeko 19:00etan, Josefina L. Martinez eta bere gaia 'Las mujeres y la Revolución Rusa: revolucionar el mundo, trasformar la vida' izango da. Iñaki Gil de San Vicente etorriko da azaroaren 9an 'La Revolución Bolchevique y la liberación de las naciones oprimidas' gaiaz hitz egiteko eta azken bi saioak Xabier Arrizabalo izango dute protagonista, azaroak 24 eta 25ean, solasaldi eta mintegi batekin.

Fotos

Vídeos