«Oso kritiko» EH Bildu Udala eta Aldundiaren jokaeraz bidegorriaren aferan

Jende ugari bideggorian egindako martxa batean. /  ARRIZABALAGA
Jende ugari bideggorian egindako martxa batean. / ARRIZABALAGA

K. ARRIZABALAGA ZESTOA.

Gauza jakina edo publikoa da Foru Aldundiak ez duela hurrengo urterako eskualdeko bidegorria Zumaiaraino lotuko, horrela iragarri baitu proiektu honetarako euro bat bera ere jarri gabe. Garrantzitsua izaten omen da gutxienez euro bat jarri eta proiek-tu hori egiteko asmoa azaltzea Aldundiak, horrela urte bukaeran diru gerakina izanez gero -proiektu batzuk ez direlako gauzatzen adibidez- hau gauzatzea posible izaten baita. Hau ere ordea ez dute kontenplatzen kaleratu dituzten aurrekontuetan.

Gauzak horrela Zestoako EH Bildu oso kritiko azaldu da Zestoako Udalak gai honen inguruan izan duen jokaerarekin. Udal talde honek plazaratu berri duen idatzian, 'Herriak lotu bidegorria amaitu' herri ekimenak erabili izan duen lema, Urola erdiko bidegorria amaitzeak bertako biztanleen ongizatean izango lukeen eragina ondo baino hobeto laburbiltzen duena» dio. Segidan honela dio «Aldundiaren jokaera ulergaitzaren» aurrean: «Denok genekien Azpeitiko udalaren lehentasuna, Urolako bidegorria amaitzean baino Urrestillakoa egitean zetzala eta gure ustez ere ulertzekoa da herri bateko Udalak bere eremuan kokatzen den proiektu bati bere eremutik kanpo kokatzen denari baino garrantzia handiagoa ematea, are gehiago Zumarragatik datorren bidegorria Azpeitiko lur eremuan amaitua dagoenean. Uler-tzen ez duguna da, 2013an Gipuzkoako Foru Aldundiak onartu zuen Lurralde Plan Sektorialean Urola bailara lotzea Gipuzkoako bidegorrien sarea osatzeko lehentasunen artean jarri eta gero, orain Gipuzkoako Diputazioak herri baten barruko loturari garrantzia handiagoa eman izana bailara osoa lotzeari baino».

Aparteko atalean Udalaren jokaera aztertzen du, Eh Bilduk: «Bidegorriaren gaiarekin denok ikusi dugu Zestoako Udal Gobernuaren azken bi urtetako ekimena hutsaren hurrengoa izan dela; honen adibide duela urtebete Batzar Nagusietan Urolako bidegorria zela eta egindako agerraldira, han bildu ziren guztien harridurarako, Zestoako alkateak 'piper' egiterainoko arduragabekeria izan da Zestoako Udal gobernuak izan duena. Jakina da, udaletxeetatik aldundia bezalako erakunde erraldoi bateko arduradunei etengabeko lata ematen ez bazaie, hauek nekez egingo digutela jaramonik eta Azpeitiko udal arduradunak behin eta berriz aldundira bueltaka zebiltzala jakinda, bagenuen gertatu behar zuenaren kezkarik, hau da, lurralde antolaketa ikuspegitik, Urrestillakoak Urolakoak baino garrantzia eta lehentasun baxuagoa izanagatik berau lehenago bukatzearena. EAJ alderdiak, legeak aitortutako lehentasuna izanda, Zestoako bidegorri zatiari bultzada emateko aukera paregabea zeukan. Bada zoritxarrez, EAJ beste nonbaitera edo inora begira egon da aurten ere, eta hau gutxi ez balitz, 2018ko Gipuzkoako aurrekontuetan ere 0 euro gure bidegorriarentzat». Azkenik bi proposamen jartzen ditu mahai gainean: «batetik, Gipuzkoako Batzar Nagusietako 2018rako aurrekontuei zuzenketa jarriko diegu Urolako bidegorria amaitzeko 2 milioiko diru lerroa eskatuaz eta bestetik, Udalean bidegorriaren jarraipenerako mahai edo batzorde ireki bat martxan jar-tzea planteatuko dugu».

Musika bandaren kontzertua

Zestoako Musika Bandak 'Santa Zeziliako kontzertua' eskainiko du, gaur, 20:00etan, udaletxe azpian. Bertan, besteak beste, bakarlari gisa arituko da Beñat Etxabe musikari gaztea, 'Harlequin' pieza bikain bezain konplikatu bonbardinoarekin jotzen.

Futbola

Gaur Iraetako zelaian 10:00etan, kadete mutilak Oriotarren aurka ; 11:45ean, infantil mutilak Lagun Onak-en aurka; 16:00etan, talde nagusia Eibarren aurka.

Contenido Patrocinado

Fotos

Vídeos