San Kristobal baselizara, ibilbide gidatua bihar

Ikasleak, Andoni Egaña eta Maider Arregi bertsolariekin. / DV
Ikasleak, Andoni Egaña eta Maider Arregi bertsolariekin. / DV

Zestoako Vicente Dávila arituo da bisita lanetan eta doan izango da

DV AIZARNAZABAL.

Aizarnazabalgo plaza esanguratsua eta bere San Migel eliza abiapuntu izanik, 2 kilometrotako ibilaldi honek San Kristobal (Saiatz auzoa) baselizaraino eta bertan aurkitzen den Araozeko Andresek egindako erretaula ederreraino eramango gaitu. Baseliza hau nekazal txoko ezkutu batean dago.

Bertako ikuspegiak eta Zubialdeko erdi aroko zubia bezalako sorpresak aldapa igo osteko nekea arintzen lagunduko dute. Bisita gidatu hau, bihar igandez goizeko 11:00etan aterako da Herriko Plazatik eta doan izango da, Vicente Dávila zestoarraren azalpenak entzunez txango atsegin bat egiteko aukera izango dugularik.

Ikasleak, bertsotan

Bertsotan aritu ziren herriko eskolako 5 eta 6. mailako ikasleak Andoni Egaña eta Maider Arregi bertsolariekin.

Jende asko hurbildu zen eskolako soinketa gelara 5 eta 6. mailakoen bertso antzerkia ikustera; bi gonbidatu berezi izan zituzten, Andoni Egaña eta Maider Arregi hain zuzen ere. Umoreak eta kontu barregarriek ez zuten hutsik egin beste urte batez ikasle hauen artean.

Contenido Patrocinado

Fotos

Vídeos