Klik Eguna bertan behera eguraldiarengatik

Eguraldi txarraren ondorioz Klik eguna, herriko Gure Esku Dagok antolatua, bertan behera geratu zen joan den larunbatean. Herritarrek euskal nazioaren burujabetzaren inguruan zergatik erabaki nahi duten azaleratu behar zuten. Ondoren, gizakate txiki bat osatu behar zen ekainaren 10eko gizakate erraldoiari begira giroa berotzeko. Hala ere Tarragonatik etorritako Colla Jove de Tarragona taldeko castellersak emanaldia eskaini zuen kiroldegian. Herriko plazan elkartu eta udaleko balkoian Estelada bat jarri zuten Nika Lertxundi alkateak eta castellerren taldeko lehendakariak. Ondoren kalejiran joan ziren kiroldegira katalanen musikari jarraituz. 250 lagun inguru etorri ziren Kataluniatik eta oso emanaldi polita eman zuten herritarren aurrean. Ondoren, kiroldegian bertan getariarrek egindako marmitakoa bazkaldu zuten.