Keta Bayautok lehen postuan jarraitzen du

Azpitarte. Aginduak ematen bere jokalariei sarritan. /  AMAXKAR
Azpitarte. Aginduak ematen bere jokalariei sarritan. / AMAXKAR

GETARIA.

1. Erregional Mailako igoera fasean sartuta, Iñaki Azpitarteren mutilek lehen faseko ibilbide berdina mantentzen dute. Arerioak orain gogorragoak izan arren, bi partida jokatu dituzte eta biak irabazi. Azkena larunbatean Mendibeltz futbol zelaian izan zen. Iluari taldea zuten aurrean eta ligan jokatutako bi partidetan irabazi ondoren konfiantza zegoan zaleen artean berriz hiru puntuak getariarrentzat izango zirela.

Baina partida benetan gogorra izan zuten Ketako jokalariak. Minutuak aurrera joaten ziren bezala bisitariak berdinketarekin konforme ziruditen eta ondo eusten zioten getariarren erasoei. Partida amaitzeko 20 minutu geratzen zirela Carlos Tejak egin zuen getariarren gola eta hortik aurrera emaitza mantentzea izan zuten helburu, epaileak amaitu zela adierazi bitartean. Garaipen honekin Ketak lehen postuan jarraitzen du.

Gazte mailako taldeak kopari ekiten zion asteburuan eta Burumendi taldearekin etxean galdu egin zuten. Golak bigarren zatian etorri ziren baina azken emaitza 2 eta 3koa izango zen.

Contenido Patrocinado

Fotos

Vídeos