Keta Babyautok puntu baliotsua ekarri zuen Mutrikutik

Albizu. Bere golarekin aurrea hartu zuten partidan. /  AMAXKAR
Albizu. Bere golarekin aurrea hartu zuten partidan. / AMAXKAR

Garaipena hurbil izan arren berdindu egin zuen lehen taldeak. Gazteak, berriz, garaipenaren bidean jarri dira

JUAN MARI ZUBIAURRE GETARIA.

Getariako Keta Babyautok partida garrantzitsua zuen Mutrikun sailkapeneko buruan mantentzeko. Ondo jarri zitzaien partida lehen zatiaren amaieran Julen Albizuk gola egin zuenean. Bazirudien garaipena getariarrentzat izango zela baina partida erabakita utzi zezakeen bigarren gola ez zen heldu eta etxekoak eurena egin zuten. Ondorioz puntu banaketa eta orain sailkapenean zarauztarrak jarri dira buruan baina Keta puntu batera eta partida bat gutxiagorekin.

Gazteen norgehiagoka, aldiz, Getariarren kontrolpean egon zen hasieratik. Berehala korner baten ondorioz Arizalak lehen gola egin zuen Ketaren alde. Hortik aurrera Sporting de Herrerakoek bi aukera garbi egin zituzten jarraian, baina berriz Getariarrek hartu zuten partidaren kontrola. Bigarren gola Lertxundik egin zuen. Aukera guztiak getariarren aldekoak izan ziren ordutik aurrera, eta azkenik Rodriguezek atezainaren hutsegite bat aprobetxatuz zelai erditik hirugarren gola egin zuen. Horrela amaitu zen partida.

Contenido Patrocinado

Fotos

Vídeos