Keta Babyautok besteak baino astebete geroago hasiko du liga

Erasoan. Salamo eta Idiakez golaren bila Rotetaren aurka. /  AMAXKAR
Erasoan. Salamo eta Idiakez golaren bila Rotetaren aurka. / AMAXKAR

1. Erregionaleko ligak datorren asteburuan izango du lehen jardunaldia baina Ketak atsedena izango du

JUAN MARI ZUBIAURRE GETARIA.

Joan den astean antolatu zituen Gipuzkoako Futbol Federazioak 1. Erregionaleko multzo guztiak (denera bost dira) eta Getariako Keta Babyautok ondorengo taldeak izango ditu 3. multzoan; Zarautz, Ikasberri, Amara Berri, Iluari, Sporting de Herrera eta Mutriku.

Liga datorren asteburuan abian jarriko da baina ikus daitekeen bezala 3. multzo horretan zazpi talde daude eta horrek esan nahi du jardunaldi guztietan talde batek atsedena izango duela eta lehenengoan Ketari tokatu zaio zelaiara ez ateratzea. Honek bere alde onak eta txarrak ditu. Alde batetik astebete gehiago izango dute taldea presta-tzeko baina bestetik dena prest zuten hasteko eta orain itxaron egin behar bi aste. Lehenengo partida etxean jokatuko dute Iñaki Azpitarteren mutilek, hilak 24an eta aurkaria Mutriku izango da. Hurrengo astean Iluari taldeari bisita egitera joan beharko dute eta hirugarrenean kostaldeko derbia izango da Mendibeltz futbol zelaian Zarautz taldearen etorrerarekin. 14 jardunaldi izango dituzte denak denen aurka jokatzeko eta ondoren sailkapeneko lau lehenengoak hamarreko beste bi multzutan banatuko dira. Hori izango da noski lehen helburua Ketarentzat, lehenengo lauen artean amaitzea lehen fase hau. Joan den ostiralean jokatu zuten aurredenboraldiko azken prestaketa partida eta Rotetarekin golik gabe berdindu zuten Mendibeltzen jokatutako partidan.

Fotos

Vídeos