Katrapona plazan jartzen den kantina ustiatzeko eskaerak egin daitezke

Esleipena egiteko garaian, lehentasuna emango zaie Lanbiden langabetu bezala, gutxienez bi hilabetez, izena eman eta gutxienez azken urte osoan zehar Getarian erroldatuta dauden lehiatzaileei. Kontratuak agiria sinatzen den hurrengo egunetik 2018ko abenduaren 9era bitarteko iraupena izango du. 2018 urteko zerbitzu-denboraldiari dagokion gutxieneko lizitazio kanona 4.068 euro izango da.

Kontratuaren esleipena zozketa bidez egingo da. Kontratazio honen espedientea, bai eta horrekin batera doan dokumentazio teknikoa ere, udaletxeko idazkaritzan aztertu ahal izango da, bulegoak jendearentzat irekita dauden ordutegian (9:00etik 13:00etara). Kontratazio honen agiriak eta dokumentu osagarriak udal web-orrian ikus daitezke dagoeneko, www.getaria.eus.