Jaiotzak gorantz doaz, 68 haur jaio dira aurten

Jaio berriak. Beraien gurasoekin batera, atzo eguerdian egindako ekitaldiaren ondoren, udaletxe aurrean. /  ETXEBERRIA
Jaio berriak. Beraien gurasoekin batera, atzo eguerdian egindako ekitaldiaren ondoren, udaletxe aurrean. / ETXEBERRIA

Atzo egindako ekitaldian jaioberri guztiei ongietorria eman zitzaien udaletxean eta, era berean, haurren gurasoei zorionak

ANTXON ETXEBERRIA ORIO.

Jaiotzak gorantz doaz Orion. Herria ere hazten ari da, jende gazte asko etorri da bizitzera herrira eta ondorioz jaiotza tasak gora egin du. 2017 urte honetan, pasa den ostirala bitartean, 68 haur oriotar jaio dira. Guztiei ongietorria eman zitzaien atzo eguerdian udalbatzarrean ospatu zen ekitaldi batean. Udaletxeko ordezkariek haur berri bakoitzari lepoan zapia jarri eta ongietorria eman zieten, eta zorionak beraien gurasoei. Esan beharra dago, atzokoan Jose Angel Zaldua alkateak herriko ardura gazteengan utzi zuela. Aginte makila Irati Lekuonak hartu zuen eta eguerdian gazteen udalbatzarra egin zen, gazte bakoitzak bere ardurak hartu eta azalduz.

Gaurko San Nikolas jaietako egitarauari dagokionez -Kuadrilen eguna-, 09:00etan 3x3 saskibaloi txapelketari hasiera emango zaio Karela kiroldegian LH3tik LH6ra bitarteko haurrentzat. Eguerdiko 12:00etan trikipoteoa egingo da, eta 12:30ean DJ Porrue, umeentzako ekitaldia plazan. Ondoren, 14:00etan herri bazkaria egingo da pilotalekuan, kuadrila bakoitzak bere janaria eraman behar duelarik, Udalak sagardoa eta ura jarriko dituelarik. 17:00etan dardo txapelketa iragartzen da Estropalari kalean; 19:00etan, Bikamiotan hasita Burrumba elektrotxaranga kalez kale. Gaueko 23:00etan, Gari eta Iñaki trikitilariak plazan, eta 00:00etatik urrera, Zopilotes Txirriaos taldearen kontzertua plazan.

Contenido Patrocinado

Fotos

Vídeos