Ikastaro berezi bat antolatu da 0-12 urte bitarteko haurren gurasoentzat

DV AIZARNAZABAL.

Umeen haz-kuntza eta hezkuntzan, ezinbestekoa izaten da prebentzio-lana, hasierako urteetako garapen eta bizipen egokiak izaten lagundu eta ondorioz pertsona ororen bizi-kalitate ona izateko asmotan etorkizunerako.

Guraso Eskolaren helburuetako bat baloreetan oinarritutako hezkuntzari lehentasuna ematea izango da, eta 0-12 urte bitarteko seme-alabak dituzten gurasoei zuzenduak daude. Ikastaroaren metodologia parte hartzailea izango da, dinamikoa eta prozesuari segida bat emango diona. Jorratu daitezkeen gaien zerrenda zabala da eta horien artean daude: lotura afektibo eta atxikimendua, agresibitatea, jolasaren garrantzia, elikadura, komunikazioa familian, sexualitatea, heriotzaren bizipena landu...

Talde mugatua izango da, eta ikastaroa burutzeko guztienez 6ko kopurua osatu behar da; 7 saio izango dira, bi ordukoak ikasturtean zehar (arratsaldeko 18:00-20:00etara) eta ostegunetan izango dira, lehen saioa hilak 26rako finkatu delarik.

Izena emateko epea hilaren 11 arte, asteazkena, izango da, Basakaitz ikastetxean edota denon artean Aizarnazabal eraikitzen buzoietan.

Matrikulazio haurreskolan

Haurreskolan izen emate epea zabalik dago jadanik; matrikulazio paperak haurreskolan bertan jaso daitezke eta www.haurreskolak.eus.

Contenido Patrocinado

Fotos

Vídeos