'Igelak' euskal filmaren emanaldia gaur hondartzan

Igelak'. Filmaren kartela.
Igelak'. Filmaren kartela.

DV ORIO.

Udako kultur programazioaren barruan 'Igelak' filma proiektatuko da, gaur, ostiralarekin, hondartzan, euskaraz. Zine emanaldia gaueko 22:15ean hasiko da.

Gaurkoa abuztuan eskainitako hirugarren filma izango da. Udalak guztira lau film programatu ditu abuztuko ostiraletarako.

Eguraldi txarra egiten badu, proiekzioa ikastolako pergolan egingo da. Hasiera batean uztailean proiektatzekoa zen pelikula hau; baina bertan behera geratu zen, eguraldi txarraren eraginez.

Komedia arina

'Igelak' pelikula komedia bat da eta Gorka Otxoa da aktore nagusia; baina beste euskal aktore ezagun asko ere agertzen da bertan, hal anola, Miren Gaztañaga, Josean Bengoetxea, Gurutze Beitia, Mikel Losada, Ramon Agirre... Zuzendari eta gidoilaria Patxo Telleria da eta musika, berriz, Iñaki Salvadorrek egin du.

Pelikularen argumentuari dagokionean, Pello (Gorka Otxoa) banku sukurtsal bateko zuzendaria da eta delitu ekonomikoengatik atxilotu dute. Bere nagusiak ere inplikatuta dauden arren, bakarrik utziko dute justiziaren aurrean. Salduta dagoela konturatzen denean, ihes egitea erabakiko du.

Dirurik eta dokumentaziorik gabe, familiarik eta lagunik gabe, Pellok bere identitatea ordezkatuko du, ezkutuan jarraitu ahal izateko. Nortasun faltsu horrekin etxegabetuen elkarte batek okupatutako etxe batean topatzen du babesa. Lagun berrien konfiantza bereganatzen saiatzen da, asmo bakar batekin: haien diruaz jabetu eta atzerrira alde egitea.

Fotos

Vídeos