Igandean bertso saio bikaina Museoan

Jaialdia. Sei bertsolari izango dira Museoan kantuan. /  AMAXKAR
Jaialdia. Sei bertsolari izango dira Museoan kantuan. / AMAXKAR

Azken txapelketako finaleko sei bertsolari onenak 18:00etan hasita

JUAN MARI ZUBIAURRE GETARIA.

2018ko San Anton Bertso Jaialdia urtarrilak 14an ospatuko da, datorren igandean, eta bertan egongo dira Euskal Herriko Bertsolari Txapelketa Nagusian azken hiru edizioetan irabazle izan diren Maialen Lujanbio (2009 eta 2017) eta Amets Arzallus (2013). Beraiekin batera, Euskal Herriko Bertsolari Txapelketa Nagusiko finalean sei onenen artean kokatu ziren Sustrai Colina, Igor Elortza, Aitor Mendiluze eta Aitor Sarriegi egongo dira. Gai-jartzaile lanetan herritarra egongo da, Uxue Alberdi. Jaialdia arratsaldeko 18:00etan hasiko da Museoko atarian eta dagoeneko sarrerak erosteko moduan dira bertso zaleak. 10 eurotan Turismo Bulegoan topatuko dituzte bertaratzen direnak eta egun berean, datorren igandean, baita Museoko leihatilan.

Contenido Patrocinado

Fotos

Vídeos