Ideiatik enpresara tailerra, gazte ekintzaileentzat

Negozio edo ideia bat martxan jartzeko baliogarria izan daitekeen informazioa eskuratzeko da

K. ARRIZABALAGA ZESTOA.

Buruan ideia edota lanerako proiekturen bat duen eta berau aztertzea nahi duen edonori zuzendurik dagoen programa dugu Iraurgi Berritzenetik datorkigun «Ideiatik enpresara» tailerra. Bertan, ekintzaileak proiektuaren bideragarritasuna aztertzeaz gain, negozio bat irekitzerako orduan eman behar diren pausuak ezagutuko ditu.

Formakuntza hau 12 moduluetan banatzen da. Behin ideia garatu eta balioztatu ondoren, proiektua planifikatzeari ekingo zaio (marketing/komunikazio plana, azterketa ekonomikoa, produkzioa...) Planifikatu ostean, enpresa martxan jartzeko tramiteak, gaur egun dauden diru laguntza eta finantziazio iturriak ezagutuko dira besteak beste. Formakuntzaren data zehazteko dago.

Ikastaroaren helburua langabetuen lan munduratzea sustatzea du xede, Lan Sozietateen eredua oinarritzat harturik eta ekintzailetasuna sustatuz. Informazio gehiagorako jarri harremanetan Iraurgi Berritzenekin telefonoz 943 85 11 00 (Ione Eizagirre) edota emailez ieizagirre@iraurgiberritzen.eus

Txertatu Merkatuan

Baita ere Iraurgi Berritzenek datorkigu Txertatu Merkatuan Programaren 4. edizioa. Oinarrizko prestakuntza-maila duten eta langabezi egoeran dauden 17- 29 urteko gazteei zuzendutako proiektu bat da. Bertan izena emateko epea irekita dago. Horretarako Sandrarekin jar zaitezke harremanetan sfernandez@iraurgiberritzen.eus emailera idatzita edo 943851100 telefono zenbakira deituz.

Contenido Patrocinado

Fotos

Vídeos