Hondakinak gaika biltzeko sistema berria jarriko da eskualdean 2018an

Igarategi. Industrigunean dauden enpresak bisitatuko dira. / AMAXKAR

Bisitak egingo dira eskualdeko enpresei eta merkataritza zein ostalaritzako establezimenduei

JUAN MARI ZUBIAURRE GETARIA.

2018ko urte hasieran hondakinak gaika biltzeko sistema berria jarriko du Urola Kostako Udal Elkarteak Getaria, Aia, Orio, Zarautz eta Zumaian. Sistema berrian hondakinak gaika biltzeko puntuz puntuko zerbitzua izango dute enpresek eta ostalaritza eta merkatari- tzako sortzaile ertain eta handiek.

Honek zera esan nahi du, merkataritza eta ostalaritzako sortzaile ertain eta handiei, puntuz puntu honako frakzioak jasoko zaizkiela, hondakin organikoak, papera-kartoia eta errefusa.

Enpresei dagokionez berriz, industrialdeetan puntuz puntu bilduko dira ondorengo frakzioak, organikoa, errefusa, ontzi arinak, egurra, kartoia eta plastiko filma/poliespana. Gaikako bilketa sistema hau abian jarri aurretik, eskualdeko egoera ezagutu beharrean dago Urola Kosta Udal Elkartea eta horretarako dagoeneko bisitak burutzen ari dira eskualdeko enpresa eta ostalaritza zein merkataritzako sortzaile ertain eta handiei.

Bisitak dagoeneko hasi dira

Gauzak horrela, irailaren 20tik aurrera -pasa den asteazkena- Urola Kosta Udal Elkarteko Hondakinen Bilketa Zerbitzuko kale hezitzaileek bisitak egiten hasi dira eskualdeko enpresa eta establezimenduetara, hainbat datu biltzeko: enpresa edota establezimendu bakoitzak sortzen dituen hondakin motak, sortzen dituen kopuruak, beharko dituen edukiontziak eta abar luzea.

Horrekin batera, bisita horietan enpresa eta establezimenduek aukera izango dute hezitzaileen bitartez sistema berriaren inguruan dituzten zalantzak argitzeko.

Udal Elkarteak lehen ere hondakinak gaika biltzeko zerbitzuak kudeatzen zituen baina errefusa ez, izan ere errefusa jasotzeko zerbi-tzua udalek kudeatzen dute.

Baina datorren urtarrilak 1etik aurrera Zuzendaritza Batzordeak zabor bilketa zerbitzua mankomunatzeko akordioa onartu zuenez, bost udalerrietako etxeko hondakinak (errefusa barne) Udal Elkarteak jaso eta kudeatuko ditu.

Fotos

Vídeos