Hiru dantza-saio, 'Dantzatu nirekin!' programari bukaera emateko

'Dantzatu nirekin!' Ayala Lopes bere haurrekin uda honetan egin duten dantza saio baten ondoren.
'Dantzatu nirekin!' Ayala Lopes bere haurrekin uda honetan egin duten dantza saio baten ondoren.

Dantza saioak asteburu honetan egingo dira, lehena gaur bertan, arratsaldeko 18:30ean Baraka tabernaren atzeko plazan

DV ORIO.

Abuztuan hainbat dantzaldi egin dira hondartza inguruan 'Dan-tzatu nirekin!' programaren barruan. 'Dantzatu nirekin!' programa Ayala Lopesen ekimen bat izan da, Udalak lagundu duena. Programaren horren bidez, 30 bat lagunez osatutako talde batek (haurrak, gehienak; eta gurasoren bat ere bai) dantza-saioak egin ditu abuztuko arratsaldeetan; gehienak, hondartza inguruan.

Orain, ekimenari bukaera emateko, hiru dantza-saio egingo dituzte herrian. Lehenbizikoa, gaur bertan, Baraka tabernaren atzeko plazan egingo dute, arratsaldeko 18:30ean. Bigarrena, bihar, larunbata, irailak 16, Aterpe tabernaren atzeko plazan izango da, ordu berean eta hirugarren eta azkena, igandean izango da, Herriko Plazan, 17:00etan hasita.

Saio guztiak ordubete ingurukoak izango dira eta dantza-saioaren ondoren, ekimenari bukaera emateko, merienda txiki bat egingo dute parte hartu duten haurrek beraien gurasoekin batera.

Fotos

Vídeos