Herriko ekipamenduei buruz hitzegiteko azken bilera gaur arratsaldean kultur etxean

Pilotalekua. Herri erdigunean, kirol ekipamendua. /  ETXEBERRIA
Pilotalekua. Herri erdigunean, kirol ekipamendua. / ETXEBERRIA

19:00tan hasita, ateak zabalik izango dira

DV ORIO.

Udala herriko ekipamenduei buruzko gogoeta egiten ari da herritarrekin batera. Horretarako, parte hartzeko prozesu bat abiatu zuen azaroan, herriak dituen ekipamenduei buruzko diagnostiko konpartitu bat osatzeko helburuarekin eta, ondoren, herritarrek dituzten beharren eta interesen arabera, hutsunek identifikatu eta lehentasunak markatzea etorkizunean egin beharreko lanei begira.

Parte hartzeko prozesu hau Udalak bultzatu du eta Elhuyar enpresak bideratzen du. Udalak Gipuzkoako Foru Aldundiko Herritarren Partaidetzarako Zuzendaritzaren diru-laguntza jaso du prozesu hau bultza-tzeko.

Parte hartzeko prozesu horren barruan, bi bilera egin ditu Udalak azaroan herriko elkarteetako ordezkariekin: bat kultura, kirol eta gazteria alorrekoekin; eta bestea, merkataritza, turismo, osasuna eta hezkuntzakoekin

Azken bilera gaur

Prozesuaren barruko azken bilera guztiz irekia izango da, parte hartu nahi duten herritarrei zabalik. Bilera hau gaur bertan egingo da, asteazkenarekin, kultur etxean, 19:00etan hasita. Udalak gonbita egiten die gaiarekin interesa duten herritarrei, bertara azaltzeko eta beren ekarpena egiteko.

Aurreko bi bileretan jendeak egin dituen ekarpenak aurkeztuko dira lehenbizi eta, ondoren, talde-lanean, lehentasunak markatuko dira.

Orioko herria ondo osatuta dago ekipamenduz, tamaina bertsuko inguruko herriekin konparatuta; baina aurrekontu mugatua du horiek mantentzeko eta berriak sortzeko. Horregatik, nahitaezkoa da gogoeta egitea eta lehentasunak ondo markatzea. Horretarako egin nahi du Udalak parte hartzeko prozesu hau: jakiteko herritarren iritziz zein diren Oriori falta zaizkion ekipamenduak, aztertzeko ea bideragarriak diren eta zein epetan eta, posible den neurrian, lehentasunak markatu eta adosteko.

Contenido Patrocinado

Fotos

Vídeos