Herri kirolak eta musika izango dira protagonistak gaur Saiatzen

Arratsaldeko seietan harri jasotzeaz eta aizkoraz gozatzeko aukera izango da.
Arratsaldeko seietan harri jasotzeaz eta aizkoraz gozatzeko aukera izango da.

Bihar berriz San Kristobal eguna izango da

DV AIZARNAZABAL.

San Kristobal jaiek aurrera darraite Saiatz auzoan eta gaur eguerdiko 12:00etan pintxo poteoa izango da Ansorregi eta Larrañaga trikitilariek alaituta. Arratsaldeko 18:00etan, herri kirolak, harri jasotzen Jose Ramon eta Hodei Izeta arituko direlarik eta aizkoran berriz, Luis Mari Txapartegi eta Xabier Zaldua. Jarraian, 21:00ak inguruan, txikiteoa trikitilariekin eta afal ondoren, erromeria goizaldera arte.

Biharko egunez, San Kristobal hain zuzen ere, 12:00etan meza nagusia auzoko ermitan eta kotxeen bedeinkapena izango dira, ondoren txikiteoa egongo delarik Jone eta Irati trikitilariekin.

Arratsaldeko 17:30ean ume jolasak izango dira, ondorengo txokolatadarekin. Arratseko 19:00etatik 20:30era bitartean erromeria Laja II eta Narbaizarekin eta afal ostean berriro, horrela aurtengo festei amaiera emanez.

Fotos

Vídeos