'Harria Hitz' bisita gidatua, larunbatean eta igandean

Herriko altxor ezkutuetako bat, Udarregiren monolitoa. / ARANBERRI
Herriko altxor ezkutuetako bat, Udarregiren monolitoa. / ARANBERRI

Ondarearen Europako Jardunaldien baitan, 'Harriak Hitz' bisita gidatuak eskainiko dira hilaren 14 eta 15ean

JOSU ARANBERRI USURBIL.

Usurbil euskal tradizioa eta modernitatea ederki uztartu dituen herria da, baita euskal sorkuntzarekin konprometitutako herria ere. Inon baino hobe islatzen da 60ko hamarkadan Euskal Herrian gertatu zen kultur eztanda eta inon baino hobe islatzen da 60. hamarkadako kultur eztandaren ondorena.

Usurbilek dituen altxor ezkutu horiek ezagutarazteko, Harria Hitz bisitaldia egingo da, sorkuntza eta ondarearen arteko harremana aztertuz nola kultura-kontzeptuen hedapena azalduz. Ibilbideak, herrigunean ikus daitezkeen zenbait elementuren bitartez, Usurbilek euskal kultura garaikidearen susperraldian jokatutako papera ezagutaraztea du helburu. Izena emateko 2 modu daude: info@kultour.pro helbidera idatziz eta 688 81 80 17 telefono zenbakidera deituaz.

Adi Usurbil app-a

Usurbilgo Udalak, Elhuyar fundazioarekin elkarlanean, 'Adi Usurbil' izeneko 'app' edo aplikazioa atondu du gailu elektronikoetarako. App berri honek Usurbil ezagutarazteko aukera eskainiko du, bere ondare kulturalari zein turistikoari erreparatuz, besteak beste. Izan ere, beste aukera batzuen artean, 'Harriak Hitz' ibilbidea norbere kabuz egiteko aukera eskainiko du app berri honek.

Ibilbidean bisitatzen diren puntuetan QR kodeak ezarri ditu udalak, eta 'Adi Usurbil' aplikazioaren bitartez kode horiek irakurri eta ibilbidearen ezaugarri eta informazio guztia jasoko da puntuz puntu. Modu horretan, noizean behin egiten diren bisita gidatuez gain, nahi duen edonork aplikazio dohain jaitsi eta bere kabuz egin ahalko du ibilbidea.

Alegazioen epea luzatuta

Bestalde, udalak jakitera eman duenez, hilaren 23ra arte luzatuko da autobus lineetako murrizketen aurrean alegazioak jartzeko aukera.

Udalak, erabakia alegatzeaz gain, herritarrek ere beren bidetik alegazioak egiteko aukera eskainiko du. Gipuzkoako herritarrek duela bi urte egindako prozesua aintzat hartu gabe murrizketak ezartzea kritikatu du udalak. Gipuzkoako Aldundiak Tolosan, N-I-ean, Buruntzaldean eta Donostiako garraio publiko loturetan egingo dituen moldaketetan «Usurbilentzako murrizketa larriak» egingo dituela salatu du Udalak. Hori dela eta, inguruetako hainbat alkaterekin batera, Aldundiari bilera eskatu dio «ehundaka herritarri egingo dizkieten kalteak berraztertu ditzan», Xabier Arregi alkatearen arabera.

Egoera horri aurre egiteko, udalak herritarren eskura jarriko du alegazioak egiteko aukera, eta, horretarako, hilaren 23a bitartean, hala nahi duenak udaletxean eskuragarri izango ditu alegazio-orriak. «Alegazio epea luzatzea ez da arazoaren muina. Benetako arazoa mota horretako murrizketak egitea da. Ez dugu ulertzen jasangarritasunaren mezua helaraztea eta garraio publikoa murriztea», adierazi du Xabier Arregi Usurbilgo alkateak.

Izan ere, Lurraldebus-ek eskain-tzen duen 'Usurbil - Ospitaleak' linea guztiz desagertaraziko du Aldundiak. Bertan daude, besteak beste, Usurbilgo herriguneko eta Aginagako zein Txokoaldeko geltokiak. Horrez gain, 'Usurbil - Hernani' arteko linean Zubietako, eta, horrenbestez, Santueneko geltokiak ere desagertuko dira. Linea hori, esaterako, Zubietan zein Santuenen bizi diren gazteek erabiltzen dute Lasarteko institutura joateko. Hemendik aurrera Usurbilgo herrigunera hurbildu edo Lasartera beraien kabuz joan beharko dira, halabeharrez. Udal arduradunen iritziz, «murrizketa hauek adinekoen eta gazteenen artean izango dute eraginik handiena, hau da, babes gutxien daukaten gizarte sektoreen artean».

Contenido Patrocinado

Fotos

Vídeos