Guztiok 1! egitasmoaren azken bilera gaur egingo da udaletxean

Bilera irekia. /  AMAXKAR
Bilera irekia. / AMAXKAR

GETARIA.

2018ko aurrekontuak prestatzeko garaian murgilduta gaude eta Udalak herritarren partaidetza bultzatzeko Guztiok 1! egitasmoa abian jarri du. Herritarrek lau modu ezberdin izango dituzte euren proposamenak egiteko. Horietako bat bilera irekien bitartez herritarren ekarpenak jasotzea da eta dagoeneko lau burutu dituzte.

Gaur arratsaldeko 19:00etan udaletxean azkenengo bilera irekia egingo da eta bertan jorratuko diren gaiak hauek izango dira: Kultura, Euskera, Hezkuntza, Kirola, Ongizatea eta Parte-hartzea.

Gogoan izan beste hiru bide jarri dituztela, bata etxeetara banatu diren fitxen bitartez, bestea posta elektroniko bidez egitea izango da, bertan herritarrak ekarpenak helbide elektroniko honetara bidali behar dituzte guztiok1aurrekontuak@gmail.com eta azkenik online inprimakia betetzea izango da.

Inprimaki hau Udalaren webgunetik eskuratu ahalko dute getariarrek.

Contenido Patrocinado

Fotos

Vídeos