Gure Txeruk dantza ikastaroen ordutegi finkoak jakitera eman ditu

Dantzara. Gure Txeruren eskutik dantza ikasteko aukera urrian hasita adin guztientzat. /  AMAXKAR
Dantzara. Gure Txeruren eskutik dantza ikasteko aukera urrian hasita adin guztientzat. / AMAXKAR

Urrian hasiko dira ikastaro berriak eta alta edo baja eman nahi duen orok irailak 24a du azken eguna hori adierazteko

JUAN MARI ZUBIAURRE GETARIA.

Gure Txeru elkarteak dantza ikastaroko ordutegi finkoak plazaratu ditu dagoeneko. Urrian hasiko da aurtengo dantzen ikastaroa eta ikasturtean dantza ikastaroan alta edo baja eman nahi duen orok Harritarten ditu inprimakiak eskura. Horiek bete eta Txeruko postontzian bota beharko dira, irailaren 24 baino lehen. Telefonoz, whatsappez edo bestelako bide batez. emandako alta eta bajak ez dira onartuko. Lehengo urtean ibili zirenak eta jarraitu nahi dutenak ez dute ezer egin behar.

Dantza ikastaroekiko interesa zuten guztien iritziak entzun eta ordutegiak behatu ondoren, ahalik eta ordutegi egokiena egin da.

Ordutegi finkoak

Txeruk plazaratu dituen ordutegiak honakoak dira. Astelehenean arratsaldeko 19:30 eta 20:30 artean ikastaroa izango da. Asteazkena izango da egun oparoena, lau ikastaro banatuko bai dira. Lehendabizi arituko direnak 1. mailakoak dira, 16:15 eta 17:15 artean, gero 2. mailakoak 17:15 eta 18:15 artean. 3. mailako dantzariak 19:15 eta 20:15 artean izango dute ikastaroa eta azken saioa helduentzat izango da 20:15 eta 21:15 artean. Ostiraletan 4. 5. eta 6. mailakoak ikasiko dute arratsaldeko 18:15 eta 19:15 artean. DBH 2 eta DBH 3koak 20:15 eta 21:15 artean izango dute euren ikastaroa.

Hilean behin, ostiraleko ordez, 4. 5. eta 6. mailak asteartetan izango dute dantza ikastaroa (19:30-20:30) eta hilean behin baita, ostiraleko ordez, DBH 2 eta DBH 3koak astelehenean izango dute dantza ikastaroa (21:00-22:00).

Fotos

Vídeos