Go!azen ekitaldia izango da bihar arratsaldean Zaraguetan

Telebistako Go!azeneko aktoreak bihar Orion izango dira. /
Telebistako Go!azeneko aktoreak bihar Orion izango dira.

Gonbitak kultur etxean eskuratu daitezke

DV ORIO.

Bihar, ostirala, Go!azen dantzatu eta abestera ikuskizuna izango da Zaragueta eskolako pilotalekuan, arratsaldeko 17:00etan hasita. Telebistako Go!azen seriean parte hartzen duten aktoreetako batzuk bertan izango dira eta parte-hartzaileek zenbait koreografia ikasi eta dantzatzeko aukera izango dute. Ekitaldia Zaragueta eskolako guraso batzordeak antolatu du, '40 urte euskaraz heziz eta haziz' programaren barruan.

Ikuskizuna zuzenean bizi nahi duenak, gonbita beharko du. Horretarako nahikoa kultur etxetik pasatzea. Tokiaren aforoa mugatua da eta, beraz, gonbita hartu behar da aldez aurretik, sartu ahal izateko.

Gonbitak eskolako komunitatean banatu ziren aurrena, baina atzo arratsaldetik aurrera edozeinek hartzeko moduan dira kultur etxean.

Fotos

Vídeos