Getariako XVI. Salbatore biatloian izena emateko epea zabalik dago

Hasiera. Malkorben aterako dira partaideak igerian egitera.
Hasiera. Malkorben aterako dira partaideak igerian egitera. / AMAXKAR

Irailaren 16an egingo da aurten biatloia eta izena internetez eman daiteke aurrez edo egun berean

JUAN MARI ZUBIAURRE GETARIA.

Aldaketa bat egin da aurten Salbatore biatloiari dagokionez. Antolatzaileek bere garaian jakitera eman zuten aldaketaren erabakia segurtasun-arrazoiak direla eta hartu zela, beharrezkoa ikusi zutelako parte-hartzaileen segurtasuna bermatzeko neurriak hartzea.

Irailak 16an, larunbata, ospatuko da eta dagoeneko izena emateko epea zabalik dago. Bi modutara egin daiteke. Alde batetik www.herrikrosa.eus weborrian egin daiteke eta bide honetatik hamar euro ordaindu behar dira.

Bestalde proba lehiatuko den egunean ere eman daiteke izena eta orduan 15 euro ordaindu beharko dira. Biatloiak XVI. edizioa beteko du eta eguerdiko 12:00etan hasiko da. Izena egun berean emateko goizeko 11:00etatik 11:30era egin ahal izango da. Salbatore biatloiak bi atal izango ditu, lehenengoa igerian, Malkorbetik atera eta 550 metroko ibilbidea eginaz eta ondorengo lasterketa, herriko kaleetatik egin beharreko 3.500 metroko luzerarekin. Parte hartzeko gutxiengo adina 16 urtekoa izango da.

Fotos

Vídeos