Gazteak eta teknologia berrien erabilera aztergai Alondegian

Erabilera. Teknologia berriak eta gazteak hizpide. /  AMAXKAR
Erabilera. Teknologia berriak eta gazteak hizpide. / AMAXKAR

Zanbuka Guraso Elkarteak gaurkotasun handia duen gai honen inguruan antolatutako bigarren solasaldia da

JUAN MARI ZUBIAURRE GETARIA.

'Nola sustatu gure seme-alabengan teknologia berrien eta sare sozialen erabilpen egokia' izenburua daraman gai interesgarria jorratuko da gaur Zanbuka Guraso Elkarteak gurasoentzat antolatutako hitzaldi batean, arratsaldeko 18:00etatik 19:30era Alondegian (Gaztelekua). Joan den ostegunean egin zen lehen saioa eta gaur izango da bigarrena.

Saioa hasteko, gaiarekiko hurbilpena egingo da lehenbiziko. Ondoren, pribatutasuna / identitate digitala landuko dira. Sare sozialak eta bideojokoak ere aztergai izango dira: dituzten arriskuak eta onurak azalduko dira hitzaldian jarraian. Harremana sare sozialetan eta Ciberbullying-ean sakonduko da baita ere eta bukatzeko gurasoentzat jarraibideak jakitera emango dituzte. Hauekin batera segurtasunerako konfigurazioak azalduko dira solasaldian. Zanbukako kideak eta Baikarak eskainitako saioa izango da gaurkoa.

Contenido Patrocinado

Fotos

Vídeos