Gaurtik hasi eta igandera arte iraungo dute Aizarnazabalgo Samielek

Dantzatzeko aukera egongo da./
Dantzatzeko aukera egongo da.

DV AIZARNAZABAL.

Lehengo larunbateko Euskal Jai egunaren ondoren, gaur hasiko dira ofizialki aurtengo Samiel Jaiak Aizarnazabalen; goizeko 11:00-13:00etara eta arratsaldeko 15:00etatik 18:00ak bitartean puzgarriak eta apar festa izango dira herriko txiki eta gaztetxoentzat eta 18:00etatik aurrera, txokolatada eta 'Lehen, orain eta beti' txupinazo antzeztua Adiskide bertso elkartearen eskutik.

Ondoren, txupinazoa buruhandiekin eta umeentzako berbenatxoa Martxango taldearekin izango dira. Gauean berriz, 23:00etatik aurrera, berbenan dantza saio batzuk egiteko aukera egongo da Basajaun taldearekin .

Bihar Samiel eguna

Bihar, herriko zaindariaren eguna izanik, goizeko 10:00etan diana izango da txistulariekin eta ondoren, 11:00etan, meza nagusia. XXXIII. Sagardo lehiaketa eta txorizo dastaketa izango dira gero, herritarren arteko bolo txapelketa jokatuko delarik. 16:00etan zezen txiki eta poniak eta 18:00etan, IX. Joxe Larrarte memorialaren finalak izango dira. Txamukos Mariatxien emanaldia 19:30ean eta 21:00etatik aurrera herri afaria, sagar dantza lehiaketa eta berbena Zesuma taldearekin.

Contenido Patrocinado

Fotos

Vídeos