Gaurtik aurrera organikoaren eta errefuxaren edukiontziak txartelarekin ireki beharko dira

Ohiturak aldatzea beti da zaila eta, horregatik, Udal Elkarteak eta Udalak baliabideak jarri dituzte, herritarrek ahalik eta endredo gutxien izateko. Norbaitek arazoren bat baldin badauka bere txartelarekin, kultur etxean jarritako informazio-gunera hurbildu behar du eta han konponduko diote. Herritarrek bertara jo behar dute, baita ere, aldaketaren bat edo hobekuntzaren bat proposatu nahi badute.

Informazio-gunea martxoaren 1a arte izango da zabalik: astelehen, astearte, ostegun eta ostiraletan: goizeko 10:00etatik 13:00etara eta arratsaldeko 16:00etatik-20:00etara; asteazkenetan berriz, goizeko 10:00etatik arratsaldeko 15:00etara, eta larunbatetan, 10:00etatk -12:30era.

Udalak herritarren laguntza nahi du, sistema berria egoki abiatzeko, eta barkamena eskatzen die bizilagunei, aldez aurretik, hasieran sortuko diren endredoengatik.

Sistema berriaren inguruan informazio jaso eta aztertzen jarrai-tzen ari dira kale hezitzaileak. Herritarren bitartekari nagusiak dira, bidelagun onenak.

Herrietan finkatutako arreta eta informazio zerbitzuetan sortzen diren galderak erantzun eta zalantzak argitzen dituzte.