Gaur hasten dira Aiako Kintopeko Idi Probak

Gaur gauean hasten dira Aiako XVIII. Kintopeko Idi Probak. Gaur, bihar eta astelehenean izango dira probak, gaueko 22:00etan, Aiako probalekuan, beti bezala, Aiako Idi Probak elkarteak udalaren babesarekin antolatuta, Gipuzkoako Herri Kirol Federakuntzak izango duelarik probak kontrolatzeko ardura. Lehen egun honetan hiru idi pare izango dira, tartean Inaki Oliden oriotarraren idiak; beste bi partaideak: Orozkoko Udane eta Errezilgo Bixkiak. Joan den urtean Arzadun izan zen irabazlea.