Gaur I. Euskal Kosta Krosak Zumaia, Getaria eta Zarautz zeharkatuko ditu

Korrikalaria. Getarian.

Arratsaldeko 17:00etan hasiko da Zumaian eta Getariatik pasa beharko dute korrikalariek Zarautza bidean eta itzuleran Zumaiarantz

DV GETARIA.

21,097 kilometroko distantzia izango du I. Euskal Kosta Krosak, hau da, maratoi erdia, eta, lehen edizio honetan, Zumaian hasi eta amaituko da, Getaria eta Zarauztik pasa ondoren. Proba mankomunatua izanda, datozen urteetan irteera eta helmuga beste herri batean izango du, horrela 2018an Zarautzen hasi eta amaituko da eta 2019an Getarian izango du irteera eta helmuga.

Lasterketa honek aukera ezin hobea eskaintzen du kirola egiteaz aparte, bailara paregabeaz goza-tzeko, familia eta lagunekin. Lasterketan parte hartzeaz gain, gure herrietan gozatu daiteke: natura, ondarea, kirola, museoak, itsasoa, Santiago Bidea... eta bide batez aprobetxatu Kosta Gastronomika esperientziak ezagutzeko eta eskualdean ekoiztutako produktuak dastatzeko.

Helburu bikoitza du beraz kirol proba honek, lasterketa bera alde batetik eta gure ingurunea ezagu-tzera ematea bestetik.

Proba arratsaldeko 17:00etan hasiko da eta honek errepide nagusian eragina izango du noski. Lasterketan edateko guneak izango dira Getarian, 5 eta 15 kilometroetan. Sariak parekatuak dira, gizonezko zein emakumezko lehen sailkatuak txapela, 1.000 euro eta garaikurra izango dute. Bailarako sailkapen bat ere izango da eta bertako herrietakoen onenak ere sariak izango dituzte.

Fotos

Vídeos