Euskal Astearen barne izango da Trikitilari Gazteen Getariako XIX. Txapelketa

2017ko finala. Txapeldunak Berdura Plazako oholtzan. / AMAXKAR
2017ko finala. Txapeldunak Berdura Plazako oholtzan. / AMAXKAR

Izena emateko epea zabalik dado eta datorren osteguna izango da azken eguna

GETARIA.

Hilabete amaieran ospatuko da Getarian Euskal Astea eta bere barne Trikitilari Gazteen XIX. Txapelketa, hilaren 26an Berdura Plazan. Arratsaldeko 17:00etan hasiko da lehia eta sei bikote sailkatuko dira, kontutan izanik deialdi irekia dela, bikote asko apuntatuko balira, kanporaketa bat egingo li-tzateke, txapelketa aurretik.

Parte hartu nahi duten trikitilariek baldintza hauek bete behar dituzte: adinari dagokionez 18 urte bitartekoak izan behar dute (18 urte barne). Bikote bakoitzak hiru pieza jo beharko ditu txapelketaren barne, trikitia, pot-pourria eta aukeratzeko beste pieza bat hauen artean, arin-arina, fandangoa edo porrusalda. Pot-pourriak gehienez zazpi minutuko iraupena izango du.

Epaimahaiak bere erabakia ematerakoan kontutan zera izango du bere balorazioa egitean: piezen zailtasuna, bat etortzea, kantua, dan-tzagarritasuna eta panderojolearen lana.

Euskal Jaien barne jokatzen denez txapelketa hau, baserritar arropekin agertzea derrigorrezkoa da.

Sariak honela banatuko dira: lehenengo bikoteari txapelak eta ordainsari (250 euro), bigarren sailkatutako bikoteari 150 euroko ordainsaria eta hirugarren suertatzen direnentzat 100 euroko ordainsaria. Beste hiru bikoteak 60 euroko ordainsaria izango dute. Getariar bikote onenari ere saria emango zaio.

Oinarriak Getariako Udaletxean eta web orrian (www.getaria.eus) egongo dira interesdun guztiek ezagutu ditzaten. Horretarako 943 896024 telefonora deitu daiteke edo kultura@getaria.org helbide elektronikora jo. Izena emateko azken eguna hilak 17a izango da.

Contenido Patrocinado

Fotos

Vídeos