Emaitza desberdinak herriko kirol taldeek lorturikoak

Kadete neskek 1-0 galdu zuten ostegunean Orion. /
Kadete neskek 1-0 galdu zuten ostegunean Orion.

Lehian izan diren 5 taldeetatik 4k galdu egin dituzte euren partidak eta jubenil mailako mutilen taldea izan da puntu bat eskuratu duen bakarra

JOSU ARANBERRI USURBIL.

Kirol taldeek jardunaldi berri bati aurre egin diote asteburu honetan. Ostegunean jai eguna izanik kirol asteburu luzea izan dute eskubaloi eta futbol taldeek.

Usurbil Kirol Elkarteari dagokionez, jardunaldi hau ez da onegia izan. Lehian izan diren 5 taldeetatik 4k galdu egin dituzte euren partidak eta jubenil mailako mutilen taldea izan da puntu bat eskuratu duen bakarra.

1. Nazional mailako taldeak 32-26 galdu zuen Errenterian Erein- tza taldearen aurka eta ezin izan zituzten lehenengo puntuak eskuratu. Markagailuak bestelakorik badio ere, lehen zatian nagusi izan zen herriko taldea. 20. minutu aldera arte berdinketa ugari eman ziren, baina atsedenaldira iritsi arteko azken 10 minutuetan usurbildarrak izan ziren aurretik, lehen zatiaren amaierara 13-16 aurretik iritsiaz. Hala ere, 2. zatiaren hasieran Ereintzak neurkatari buelta ematea lortu zuen eta 5. minuturako aurretik ziren markagailuan. Hortik aurrera, Usurbil Kirol Elkarteak ezin izan zuen parekotasuna mantendu eta azkenean 32-26 gldu zuten.

Igandean Oiardon jokatu zuten Euskal ligako nesken taldeek ere galdu egin zituzten Aiala Zarautzen aurkako euren norgehiagokak. Kadete mailako taldeak erraz galdu zuen, 13 eta 36, eta jubenil mailako taldea izan zen punturen bat eskuratzeko lehian egon zen bakarra. Hala ere, 25 eta 27 galdu zuten.

Euskal ligako mutilen taldeei dagokionez, Irunen Bidasoa-Irun klubeko taldeak izan zituzten aurrez aurre. Jubenilek 32-28 galdu zuten eta kadete mailako taldeak, berriz, 21-21 berdindu zuen.

Usurbil Futbol Taldeari dagokionez, gizonezkoen Ohorezko mailako jubenil taldeak lehen puntuak eskuratu zituen pasa den larunbatean Harane futbol zelaian. Aurreko denboraldian mailaz igotzea lortu ostean punturik eskuratu gabe zegoen, baina larunbatean 1-0 irabazi zuten sailkapenaren buruan zegoen Dunboa Eguzki taldearen aurka 2. zatian Julen Larrañagak sartutako golari esker.

1. Errejional mailako taldeak, berriz, ligako lehen neurketa galdu zuen pasa den ostegunean Lazkaon. Herriko taldeak ezin izan zuen denboraldi hasierako maila eman eta 4 eta 0 galdu zuten.

Kadete mailako mutilen taldeak ere Haranen jokatu zuen larunbatean eta hauek ere garaipena eskuratu zuten Santo Tomas Lizeoa taldearen aurka. Atsedenaldira 1-0 aurretik iritsi ziren eta 2. zatian donostiarrek partida berdintzea lortu bazuten ere, azken minutuetan 3 puntuak eskuratu zituzten usurbildarrek, 2 eta 1 irabaziaz. Maila bereko nesken taldeari dagokionez, Usurbil Futbol Taldeak 1-0 galdu zuen Orion bertako taldearen aurka ostegunean.

Azkenik, infantil mailako mutilen taldeak ligako lenen partida jokatu zuen larunbatean Haranen eta 10-0 irabazi zuten Lengokoak B taldearen aurka eta nesken taldeak, berriz, 0 eta 6 irabazi zuen Donostian San Ignacio taldearen aurka.

Fotos

Vídeos