J.S. Elkano Musika Eskolak ikasturte berrirako izena emateko aukera eskainiko du datorren astean

Jailadia. Kurtso amaieran egiten dute ikasturtean egindako lana herritarrei plazaratzeko.
Jailadia. Kurtso amaieran egiten dute ikasturtean egindako lana herritarrei plazaratzeko. / AMAXKAR

Astelehenean zabalduko da matrikulazio epea eta asteazkenean amaitutzat emango dute

JUAN MARI ZUBIAURRE GETARIA.

J.S. Elkano Musika Eskolako 2017-18 kurtsorako matrikulazio epea irekiko da bihartik aurrera izen emate berriak, musika tresna aldaketak edo bajak jasotzeko.

Matrikulazio epearen ordutegia ondorengo izango da, irailaren 4an zabalduko da, hau da bihar astelehenean, eta irailak 6ra bitartean, asteazkena, luzatuko da. Ordutegiari dagokionez, goizez 10:30etik 12:30era, ateak irekita egongo dira Musika Eskolako bulegoan.

Bi aukera daude, taldeak eta musika tresnak. Taldeei dagokionez, aukerak hauek dira; musika tailerra 3-6 urte, musika hizkuntza, abesbatza eta instrumentu taldea. Bestalde eskaintzen diren musika tresnak ondorengoak dira; Biolina, biolontxeloa, pianoa, eskusoinua, saxofoia, klarinetea, gitarra klasikoa, gitarra elektrikoa, baxua, txistua, atabala, panderoa, txalaparta, trikitixa eta perkusioa. Aukera zabala beraz Musika Eskolak proposatzen duena.

Musika tailerrak (3-6 urte) eta Musika Hizkuntzak (7 urtetik aurrera) izango duten ordutegiak ezagutzeko http://www.elkanomusikaeskola.net/ weborrira jo besterik ez dago bertan zehaztuta aurkitzen bai dira.

Fotos

Vídeos