Eguneko Arreta zerbitzua martxan da astelehenaz geroztik

Eguneko Arreta zerbitzua martxan jarri zen astelehenean Artzabalen.
/J.A.
Eguneko Arreta zerbitzua martxan jarri zen astelehenean Artzabalen. / J.A.

JOSU ARANBERRI USURBIL.

Herriko pertsona nagusiei zuzendutako Eguneko Arreta zerbiztua pasa den astelehenean jarri zen martxan. Zortzi laguneko taldea osatu da eta Jone Urdanpilleta osasun eta gizarte zeritzuen zinegotziak egin zien harrera.

Zerbitzu hau 65 urte edo gehiago izan eta mendekotasun maila txikia duten herritarrei zuzenduta dago. Zerbitzu horren bidez Usurbilgo Udalak kalitatezko bizitza bermatu nahi die pertsona nagusiei, eta mendekotasun arina duten adinekoei euren autonomiari eusten lagundu.

Hain zuzen, Usurbilgo 65 urtetik gorako herritarren egoera eta Udalak eskaintzen dituen zerbitzuen inguruko balorazioak eta pertzepzioak jaso asmoz, Aztikerrek, Usurbilgo Udalaren eskariz, ikerketa soziologiko bat egin zuen maiatza eta ekaina artean. 211 lagun galdekatu zituzten (1.141 dira 65 urtetik gorako usurbildarrak). Azterketa horrek datu esanguratsuak utzi zituen, besteak beste, honako hau: 65 urte edo gehiagoko usurbildarren erdiak baino gehiagok (%57,8) dio ez duela muga fisikorik nabari egunerokoan egiten dituen aktibitateetan; %34,1k muga fisikoak ditu aktibitate batzuk egiteko; eta gainerako %8,1k adierazi du bere egoera fisikoak eguneroko ekintza guztiak zailtzen dizkiola. Muga fisikoak dituzten herritarren gehiengoak laguntzaren bat jasotzen du ekintza hori egin ahal izateko, eta ohikoa da etxekoek laguntzea.

Usurbilgo Udalak eskaintzen dituen zerbitzuez galdetuta, adineko pertsonek oso balorazio ona ematen diote, batez beste 8,1ekoa. Edozein kasu, eguneko arreta faltan botatzen dute, eta gehienek zerbitzu hori herrian jartzea ondo edo oso ondo baloratuko lukete, eta askok erabiliko zuketela adierazi zuten. Hain zuzen, eskari hori aintzat hartu, eta zerbitzua eskaintzeko asmoa du Udalak. Horretarako, baldintza da gutxienik sei lagunek izena ematea. Gehienez ere 12 laguneko taldea osatuko da, hasiera batean, bederen.

Zerbitzu horren bidez, herritar nagusien kalitatezko bizitza, osasuna (fisikoa nahiz psikikoa), familia eta adiskideekin dituzten harremanak mantendu, aisialdiaz gozatu eta era guztietako arazoak prebenitzen laguntzeaz gain, parte-hartzaileen gustoko ekintzak egingo dituzte, hala nola tailerrak, tertuliak, esku-lanak, memoria lantzeko tailerrak eta ariketa fisikoak.

Eguneko Arreta Artzabalen eskainiko da, astelehenetik ostiralera, eta hiru orduz, goizez. Hezitzaile bat arduratuko da taldeaz.

Prezioak Buruntzaldeko udal guztien artean adostu dira, eta erabiltzaileen diru-sarrerak aintzat hartuko dira, zenbatekoa zehazteko. Hau da, eguneko euro bat, bi euro edota 3 euro ordainduko dira, bakoitzaren diru-sarreren arabera. 60 euro kostatuko da hilero, gehienez ere.

Gizon eta Emakumeen Berdintasunerako II. Planaren balantzea egin, eta aurrera begirako erronkak eta lehentasunez aritzeko gunea izango den Berdintasuna Erein bilera izango da gaur arratsaldeko 18:00etan Potxoenean. Bilera irekia izango da, eta gaiarekiko interesa duten herritarrei eta eragileei irekita dago.

Contenido Patrocinado

Fotos

Vídeos