Dikeko parkean komun publikoak jartzeko lanak abian dira

Laster batean, Dikeko parkean komun publikoa jarriko du Udalak. Lehendabizi obra zibila egingo da, ingurua prestatzeko, eta ondoren, komun prefabrikatua instalatuko da, bere kasa garbitzen dena (hondartza inguruan eta tren geltokian daudenen antzera).

Obra zibila Orioko Aizperro Igeltseritzak egingo du eta dagoeneko hasi da lan horretan. Komunaren instalakuntza, berriz, Aseos Públicos Ibéricos enpresaren kontura izango da.

Obra zibila bi asteetan zehar egingo dela aurreratu da, eta komuna irailaren hasieran instalatuko da. Honekin, aspaldidanik zetorren eskaerari erantzuna emango zaio.

50.000 euroko gastua izango du komun publiko berriaren lanak (obra zibila eta komunaren instalazioa).