Denboraldiko lehen helburua bete du Keta Babyautok

Onenak. 3. multzoko gol gehien egin dituen eta gutxien jaso dituena da Getariako Keta Babyauto orain arte lehen fasean. /  AMAXKAR
Onenak. 3. multzoko gol gehien egin dituen eta gutxien jaso dituena da Getariako Keta Babyauto orain arte lehen fasean. / AMAXKAR

Ikasberriri 2 eta 0 irabazi ondoren ziurtatu dute igoera fasean egongo direla lehenengo faseko bi partida geratu arren

JUAN MARI ZUBIAURRE GETARIA.

1. Erregionaleko Lehen Fasea bukatzeko oraindik bi partida geratzen zaizkio Getariako Keta Babyauto futbol taldeari baina larunbatean Mendibeltzen lortutako garaipenarekin bete dute dagoeneko denboraldiko lehen helburua, hau da, igoera fasean euren burua sar-tzea.

Lau talde sailkatuko dira igoera fase horretara multzo honetatik eta Ketak dagoeneko nahiko diferen-tzia lortu du eta bosgarrenak ezingo dio inolaz ere aurre hartu. Dena den lehen fase hau sailkapeneko lehen postuan amaitzeko ere aukera asko dituzte, horretarako datorren asteburuan Amara Berriri irabaztea besterik ez dute. Sei puntuko aldea dago bi talde hauen artean (bi lehenengoak dira) eta berdinketarekin lehen postua ziurtatuko lukete Iñaki Azpitarteren mutilak.

Larunbateko partidan azken sailkatua hartzen zuten etxean getariarrek eta ez zuten hutsik egin. Patxi Berasaluze eta Iker Agirreren golak erabaki zuten partida eta hiru puntuak etxean geratu ziren denboraldiko 6. garaipena lortuz (partidarik galdu gabe daude oraindik, lau berdinketarekin).

Gazte mailako taldeak berriz emaitza ikusgarria eskuratu zuen Iraetako futbol zelaian. 4 eta 8 amaitu zen Keta eta Ekintza A taldeen arteko norgehiagoka. Kanpoko taldeak hartu zuen aurrea partidan hasi eta berehala. Lehen zatiaren amaieran 0 eta 5eko emaitza islatzen zuen markagailuak eta bigarren zatiaren hasieran seigarrena sartu zuten bisitariak. Halere getariarrak ez zuten etsi eta bigarren zati horretan lau gol egiteko gai izan ziren, Iñigo Rodriguezek hiru egin zituen eta Paulo Eizagirrek 1. Getariarrak 6. kokatuta daude sailkapenean eta Sanse izango dute aurkari hurrengoan.

Contenido Patrocinado

Fotos

Vídeos