Buruntzaldeko Euskararen Ginkanan izena emateko azken egunak

12-16 urteko gazteek parte hartu dezakete lehiaketa honetan. /  DV
12-16 urteko gazteek parte hartu dezakete lehiaketa honetan. / DV

Lehen edizioa honetan, Andoain, Astigarraga, Hernani, Lasarte-Oria, Urnieta eta Usurbilgo 12-16 urteko gazteek hartuko dute parte

JOSU ARANBERRI USURBIL.

Bihar amaituko da 12-16 urteko gazteentzat antolatutako lehiaketa honetan izen ematea. Kutxa Ekogunearen Euskararen Ginkana, euskararekin eta euskaraz dibertitzeko lehiaketa da. Euskararekin, hizkuntza aniztasunarekin eta hizkuntza-ekologiarekin lotutako hainbat proba burutu behar izaten dituzte talde lehiakideek.

Oraingoan, Buruntzaldeako Euskararen Ginkanaren 1. edizioa honetan, Andoain, Astigarraga, Hernani, Lasarte-Oria, Urnieta eta Usurbilgo 12-16 urteko gaztetxoentzako lehiaketa izango da. Euskaraz eta euskararen bueltan gozatzeko taldekako eta herrien arteko lehiaketa. Ekimen hau hainbat erakunderen elkarlanaren fruitua izango da: Kutxa Ekogunea, Buruntzaldeako Euskara Batzordeak, alegia, Andoain, Astigarraga, Hernani, Lasarte, Urnieta eta Usurbileko udalak (Gaztelekuak eta Euskara Zerbitzuak) eta Euskaltzaleen Topagunea.

Euskararekin, hizkuntza aniztasunarekin eta hizkuntza-ekologiarekin lotutako hainbat proba burutu behar izaten dituzte talde lehiakideek. Buruntzaldeako Euskararen Ginkana I. edizio honetan mundu mailako begiradatik, eskualdeko begirada eta praktiketara egingo da salto. Lehiaketak bi fase izango ditu: Internet bidezko frogak egingo dituzte lehendabizi. Izena ematen duten taldeek beraien aurkezpen bideoa egingo dute eta Webgunean astero taldeek burutu beharreko 4 proba egin beharko dituzte, proba bakoitza burutzeko astebeteko epea izango dutelarik. Proba hauetan guztietan puntu gehien lortzen dituzten lau taldeek jokatuko dute finala.

Final hau abenduaren 1ean jokatuko da Orona-Ideon, aurrez esan bezala, aurreko fasean puntu gehien eskuratu dituzten lau taldeen artean. Bertan erabakiko da nor izango den Buruntzaldeako Euskararen Ginkanaren 1. edizioaren talde irabazlea.

Sariei dagokionez, finalera iristen diren taldeen artean guztira 1500 euro banatuko dira saritan. Horrez gain, talde irabazleak: 1.000 euroko saria jasoko du eta 500 euroko saria bigarren geratzen den taldeak.

Ginkana taldeka jokatuko da, 4 laguneko taldeak osatu behar dituzte Buruntzaldeko 12-16 urteko gazteek parte hartzeko eta izena on-line eman behar dute talde parte hartzaileek euskararenginkana webgunean. Ondorengo orrian daude argibideak, oinarriak, izena emateko esteka eta gainerako xehetasun guztiak:

http://www.euskararenginkana.eus/eu/ginkanak/buruntzaldeko-euskararen-ginkana-1edizioa/gi-38/

4 laguneko taldeak osatzeko edo argibideak jasotzeko Andoain, Astigarraga, Hernani, Lasarte-Oria, Urnieta edo Usurbilgo Gaztelekuetara, kuadrillategira edo Euskara zerbitzuetara jo dezakete gazteek.

Fotos

Vídeos