Bihar bi bilera egingo dira getariarrekin 2018ko aurrekontua aztertzeko

Turismoa landuko da bihar./
Turismoa landuko da bihar.

GETARIA.

2018ko aurrekontuak prestatzen hasteko garaia heldu da eta horretarako udal ordezkariak herritarren parte hartzea bultzatuko dute bide ezberdinen bitartez. Hauetariko bat getariarrekin bilerak egitea izango da eta dagoeneko lehenengoa egin dute bertan Meaga eta Eitzagako auzokideekin joan den astelehenean.

Bihar osteguna, bi bilera egingo dira egun berean. Hirigintza, Tokiko Garapena eta Turismoa landuko da batean, Udaletxean egingo den bileran, arratsaldeko 19:00etan hasita. Bestea Askizu eta San Prudentzioko auzokideekin egingo da gaueko 21:00etatik aurrera. Gogoratu Guztiok 1! ekimenean parte hartzeko bestelako modurik badela. Etxe an jasotako fitxak bete eta fitxa hori udaletxean espresuki horretarako jarritako postontzian bota daiteke norberak dituen proposamenak idatzi ondoren. Beste aukera posta elektroniko bidez egitea da, ekarpenak helbide elektroniko honetara bidaliz guztiok1aurrekontuak@gmail.com. Azken eguna azaroaren 30a da.

Contenido Patrocinado

Fotos

Vídeos