Bidegorria amaitzearen aldeko martxa, izango da hilaren 28an

K. ARRIZABALAGA ZESTOA.

Iraetatik Narrondora doan zatiko bidegorria amaitzea eskatzeko martxa antolatu da hilaren 28an. Izan ere, zati hori bakarrik falta da Urola bailarako sare osoa, Legazpitik Zumaiaraino, lotzeko. Hurrengo larunbatean ospatuko den martxak bi zutabe edo irteera puntu izango ditu: Lehenengoa Lasaotik abiatuko da 10:30ean, ondoren Zestoa eta Iraetatik pasa eta Arroabeko autopistako biribilguneraino joateko. Bigarren zutabea, berriz, Zumaiako beheko plazatik abiatuko da, 11:30ean, eta Narrondo eta Arroabetik igaro ondoren autopistako biribilgunean elkartuko da Lasaotik datorren zutabearekin.

Horrela, 12:30ean ekitaldia egingo da Arroako autopistako biribilgunean. Ondoren, festa izango da Arroan, musika eta pintxoekin, besteak beste.

Antolatzaileen esanetan, «Arroabeko auzotarrok, aspaldi hasi genuen Urola Bailara osoa elkartuko lukeen, eta ondorioz, gure herri txikia inguruko beste herriekin lotuko lukeen Bidegorriaren aldeko borroka. Duela urtebete, proiektua bere horretan geratuta zegoela ikusita, gure aldarrikapenean indarrak biderkatu eta kalera irtetea erabaki genuen. Hasiera hasieratik argi izan dugu gure indarrak bi norabideri erantzutera jarri behar genituela. Alde batetik, instituzioetako bidea, Zestoako eta inguruko udaletxeak, Batzar Nagusiak, Gipuzkoako Foru Aldundia... Urtebete honetan instituzio guzti horietako ateak jo ditugu eta hitz politak baino ez ditugu entzun. Bidegorria amaitzea ez da soilik arroarroi eragiten digun gaia, eta honenbestez, bailarako beste hainbat eragilerekin elkarlanean aritu behar genuela argi geneukan».

Futbola

Gaur hiru futbol partida jokatuko dira Iraetako futbol zelaian. Lehenengoak, infantil neskak, 11:00etan arituko dira Intxaurdi taldearen aurka.

Arratsaldean, 16:00etan, talde nagusia Mondragon taldearen aurka jokatuko du. Ondoren, 18:00etan hasita, Jubenilak Elgoibar taldea izango dute aurrez aurre.

Fosil eta harri erakusketa

Gaur, 16:30etatik 20:00ak bitartean, Zestoa eta inguruko harri eta fosilen erakusketa izango da Bainue-txean, Javi Manteca (Geologoa eta espeologoa) eta Mikel Irure (Mendizale eta espelogoa) bikotearen gidaritzapean.

Fotos

Vídeos