Sarara eta Lasturrera irteerak antolatu ditu Baigerak

Izen emateko epea zabalik dago jubilatuek apirilaren 19an eta 21ean egingo dituzten txangoetarako

DV AZPEITIA.

Baigera jubilatu eta pentsiodunen elkarteak bi irteera antolatu ditu hilabete honetarako. Estreinakoa Sarako lezeak bisitatzera eta Hondarribiara izango da, hilaren 19an, eta bigarrena apirilaren 21ean burutuko dute, Endoia ea Lastur inguruetara.

Sarako irteeran parte hartu ahal izateko apirilaren 16a baino lehen eman beharko da izena. San Martin egoitza aurretik izango da irteera, goizeko 08:30ean. Hamarretakoa egingo dute Saran (norberaren kontu, eta edariak Baigerak eramango ditu). Ondoren, Hondarribian egingo dute bazkaria, Ardora jatetxean. Prezioa 32 euro da. Interesatuek Baigerako bulegoetara jo beharko dute izena emateko.

Aldiz, apirilaren 21ean, Endoia, Arruako Gurutzea eta Lastur ezagutzeko aukera izango dute bertaratzen direnek. 8:30ean izango da irteera, ohi bezala, San Martin egoitza aurretik. Lasturren egingo dute hamaiketakoa. Kasu honetan, ibilaldiaren prezioa 10 eurokoa da. Izena emateko epea apirilaren 18an amaituko da.

Baigerako bulego orduetan egin daiteke inskripzioa bi kasuetan. Bulegoa, astelehenetik ostegunera bitartean izan ohi da zabalik, 10:30etik 12:30era bitartean.

Contenido Patrocinado

Fotos

Vídeos