Lynn Hill eskalatzaileak hitzaldia eskainiko du Soreasun, ostegunean

Lynn Hill. /
Lynn Hill.

DV AZPEITIA.

Carolynn Marie Lynn Hill, (urtarrilak 3, 1961) eskala-tzaile ospetsua Azpeitian izango da hilaren 9an, ostegunean. Bere ibilbidearen inguruko hi-tzaldia eskainiko du. 21.30ean da hitzordua, Soreasu antzokian. Sarrerak aurrez eros daitezke kulturaz-eko webaren bitartez (12 euro) edo egunean bertan, 15 euroren truke.

Sokaitz eskalada Taldearen eta Kulturaz Azpeitiko Kultur- kooperatibaren, Azpeitiko Udalaren eta Lagun Onak Mendizale Bazkunaren babesarekin antolatu dute hitzaldia eta eskalatzaile handi honek emango duen bakarra da Euskal Herrian.

Garai guztietako eta mundu osoko eskalatzaile onenetakoa eta kirolari arrakastatsua bilakatu zen lehen emakumeetakoa da. Hill, emakume eskalatzaile ugari trebatzen laguntzearekin batera, genero berdintasunaren bozeramaile eta defendatzaile ere bilakatu zen. Munduko hormarik handienetakoa eta bertikalenetakoak eskalada librean gainditu eta nazioarteko saririk garrantzitsuenak ere bereganatu ditu ibilbidean zehar. Gau egun, Boulder-en bizi da, Coloradon.

Fotos

Vídeos