Kluben arteko Gipuzkoako Txapelketaren bi finaletan izango dira herriko pilotariak

AZPEITIA.

Kluben Arteko Gipuzkoako Txapelketaren finalak jokatuko dituzte Ilunpeko pilotariek asteburuan. Kadeteen finalak Asteasun izango dira, bihar, ostiralean. Nagusiek, aldiz, Zumarragan jokatuko dute. Bi finaletan izango dira Ilunpeko ordezkariak. Eskuz binakako kadeteen aurreneko mailan Alberdi eta Elosegi ariko dira, eta nagusien aurreneko mailan Egiguren eta Salegi.

Alberdik eta Elosegik bihar jokatuko dute finala Asteasun, Tolosa-Aurrerako Altuna eta Ugartemendiaren aurka, 19:30ean.

Zapatuan, Egigurenek eta Salegik Intxurreko Zubiria eta Irazustabarrena izango dituzte aurerz aurre, Zumarragako Beloki frontoian. Lehia 11:00etan hasiko da.

Frontoi Txikin

Frontoi Txikik alebin eta infantil mailako Errendimendu Txapelketako hainbat partida hartuko ditu datozen egunetan. Bihar, ostirala, 19:00etan hasita, alebin mailan, Ilunpe 1-Aloña Mendi 5; Ilunpe 3-Aloña Mendi 2 eta Ilunpe 6 Aloña Mendi 7 arteko partidak jokatuko dira. Infantil lehen urteko Ilunpe 6-Tolosa 7ren aurka ariko dira eta 2. urteko Ilunpek- Goierri 2 izango du arerio.

Igandean, 10:30ean, beste bi partida jokatuko dira. Alebin mailan, Ilunpe 5-Arrasate; eta infantil mailan, Ilunpe 4-Zazpi Iturri 3.

Fotos

Vídeos