Indiako umeen aldeko krosa eta txirrindulari proba izango dira gaur arratsaldean Sanjuandegin

2015. urtean hasi ziren kros solidarioa egiten Sanjuandegin. Aurtengoan gainera, Lagun Onak txirrindulari elkartea batu da egitasmoaren antolaketara, eta ohiko legez, alebinen eta infantilen txirrindulari lasterketa ere prestatu dute gaurko. Indiako haurrei laguntzeko bideratuko dira donazioak.

Mantangorri txirrindulari probaren laugarren edizioa da eta 16:00etan hasiko da. Federatutako kirolari gazteentzat da, eta Sanjuandegiko kaleetan egingo dute ibilbidea. Ondoren hasiko da krosa 16:00etatik aurrera eman ahal izango da lasterketarako Jose Antonio Agirre plazan eta 17:30etik aurrera izango dira lasterketak. Itxulapiko batzuk jarriko dituzte antolatzaileek mahaietan, nahi duenak ekarpenak egin ahal izateko. 18:30ak aldean bukatzea aurreikusten dute antolatzaileek. Probak amaitzean txokolatea dastatu ahal izango dute parte-har-tzaileek.