Hamahiru autobus bete jende aterako dira Giza Katera

AZPEITIA.

Bihar, igandean, erabakitze eskubidearen aldeko Giza Katea egingo da. Azpeitiarrak eta ingurukoak 32, 33, 34 eta 35 kilometroetan (Getaria eta Zumaia bitartean) egongo dira elkarri eskua emanda. 1.400 pertsona inguruk eman dute izena eta hamahiru autobus beteko dira. Irteera 9:30ean izango da, anbulatorio aurretik. Autoz joateko hautua egiten dutenentzako aparkalekuak egokituko dira. 32/33 kilometroetakoek Indaux Lantegian eta inguruetan laga beharko dute kotxea. 34/35etakoek, aldiz, Santiagoko hondartza inguruetan edota Zumaian bertan aparkatu beharko dute. Hori bai, auto gidari guztiei, baita 35 kilometrora doazenak ere, Zumaiatik joatea eskatzen zaie. 10:30ak ingururako bakoitza bere kilometroan elkartzea eskatzen da. Giza katearen bukaeran kotxeak ezingo dira mugitu 13:00ak arte. Autobusek dute lehentasuna.

Contenido Patrocinado

Fotos

Vídeos