Eskualdeko kontsumo ohiturak aurkeztuko dira Azpeitian asteartean

Aurrez Azkoitian eta Zestoan egin dituzte bilerak. /  MERKAUROLA
Aurrez Azkoitian eta Zestoan egin dituzte bilerak. / MERKAUROLA

Dendariei zuzenduta, Sindikatu Zaharreko lehen solairuan izango da hitzordua, 15:00etan hasita

AZPEITIA.

Merkaurola, Urola Erdiko Merkataritza Mahaiak, bailarako kontsumitzaileen eros-ohiturak aztertu ditu. Ikerketan esperientzia duen kanpo aditu baten laguntzaz eskualdeko 1.050 herritarren kontsumo joerak aztertu dira, «ondorio interesgarriak» lortuz. Besteak beste, eguneroko nahiz aldizkako erosketaren inguruan eta azalera handiko erosketa guneek nahiz internetek duten garrantziaren inguruan galdetu zaie.

Lortutako emaitzak eskualdeko merkatariekin elkarbanatzeko helburuarekin, herriz herriko aurkezpenak egiten ari dira. Horrela, asteartean, urriak 24, 15:00etan Sindikatu Zaharreko 1. solairuan izango da eta dendari zein interesatu orori egongo da zabalik.

Emaitzak aurkezteaz haratago, merkatarien balorazioa nahiz hauen kezka nagusiak identifikatu nahi dira. Beraz, merkatari guztiei luzatu diete deia bertaratu daitezen.

Fotos

Vídeos