Emaitza onak Gipuzkoako Xake Txapelketako bigarren jardunaldian

Ohorezko sakean. /  X.T.
Ohorezko sakean. / X.T.

DV AZPEITIA.

Gipuzkoako Xake Txapelketako bigarren jardunaldia jokatu zen pasa den zapatuan Baigeran eta azpeitiarren artean, goreneko bi mailetan «emaitza onak» izan direla aipatu du xake taldeko kide Iñaki Urangak. Honela, Aitor Priyak (absolutu mailan) Patxi Isasmendik (eskualdeko bigarren mailan) eta Eneko Alberdik (eskualdeko bigarren mailan) beren partidak irabazi zituzten eta Xabier Altunak berdinketa lortu zuen.

Bestalde, Eskualdeko Hirugarren Mailan, Aitor Elustondok eta Osama Maraguik soilik lortu zuten beren partidak irabaztea. Aner Alonsok berdinketa lortu zuen, eta Julen Urangak, Gorka Urangak, Alain Mateosek, Markel Zubimendik nahiz Luis Andoni Lazkanok partidak galdu zituzten.

Ohorezko sakea, Unanuek

Manuel Unanue zinegotzi ohia arduratu zen jardunaldiaren hasieran ohorezko mugimendua egiteaz. Iñaki Urangak dioenez «Unanuek bultzada handia eman zion klubari taldea osatzeko garaian», eta horregatik egin diote aipamena joan den asteburuko jardunaldian.

Zapatuan, urriaren 28an, jokatuko da Gipuzkoako Xake Txapelketaren hirugarren jardunaldia, 16:00etan hasita, Baigerako laugarren solairuan.

Fotos

Vídeos