Elosiagako Santa Luzia ermitara eta Añotako sagastietara bisita gidatua, bihar

Elosiagako santa Luzia ermita. /
Elosiagako santa Luzia ermita.

Ez da beharrezkoa aurrez izena ematea eta 12:00etan Elosiagara gerturatzea nahikoa da

DV AZPEITIA.

San Inazio azkenekoz Euskal Herrira itzuli zenean, Elosiagako Santa Luzia ermita bisitatu omen zuen, «berak predikatzen zuen zuhaitza mantentzen den lekua», hain zuzen. Hori dela eta, bihar, urriak 15, 'San Inazio 1535. Azpeitiko Elosiagako Santa Luzia ermita eta sagardoaren lurra' izenburupean, bisita gidatua dute Ignaziotar Lurraldeko Ezkutuko Altxorrak programaren barruan.

Ermitatik oso gertu, Añota Sagardotegia dago, «sagardoa, bai garai hartan bai gaur egun garrantzi handiko edaria izanik, bisita honetan sagardoaren lurra eta ekoizpena ikusi ahal izango dira», azaldu dute antolatzaileek. Juan Bautista Mendizabal historialariak gidatuko du.

Bisita gidatua irekia da. Nahi duen herritar oro hurbil daiteke bertara. Ez da beharrezkoa aurrez izena ematea, eta, beraz, igandean Elosiagara gerturatzea nahikoa izango da. Han, parte-hartzaileek hitu euro ordaindu beharko dituzte, eta eguerdiko 12:00etan hasiko da.

Fotos

Vídeos