Asteburuari begira, mailaz igotzeko atarian dira Azpeitiko bi xakelari

Isasmendi eta Alberdi. / IÑAKI URANGA
Isasmendi eta Alberdi. / IÑAKI URANGA

Patxi Isasmendi eta Eneko Alberdi Bigarren mailan ari dira lehian eta zapatuan jokatuko dute hurrengo txanpa, Baigeran, 16:00etan

AZPEITIA.

Gipuzkoako Xake Txapelketaren hirugarren jardunaldia jokatu zuten Baigeran pasa den zapatuan eta emaitza onak lortu zituzten Azpeitiko xakelariek. Absolutu mailan, Aitor Priyak Carlos Berdote hartu zuen mendean. Bigarren mailan, Patxi Isasmendi eta Eneko Alberdi herritarrek elkarren aurka jokatu zuten. Berdinketarekin amaitu zen partida. Xabier Altunak, berriz, galdu egin zuen Markel Kerexeta elgoibartarraren aurkako partida.

Hirugarren mailan ere bi herritar aritu ziren elkarren aurka. Oraingoan, Gorka Urangak irabazi zion Markel Zubimendiri. Aitor Elustondok berdinketa lortu zuen Imanol Larrañagaren aurka. Aldiz, Osama Maraguik, Julen Urangak eta Juan Carlos Fernandezek ez zuten irabazterik lortu.

Bosgarren jardunaldiari begira daude orain (zapatuan, 16:00etan, Baigeran). Izan ere, Patxi Isasmendi eta Eneko Alberdik mailaz igo-tzeko aukera garbiak dituzte. Isasmendi bigarren sailkatua dago eta laugarren Alberdi. Hiru lehenak igoko dira mailaz.

Fotos

Vídeos