Ane Arrizabalaga eta Ane Urzelai legazpiarrek irabazi dute Sanjuandegiko Trikiti Txapelketa

Irabazleek azken pieza eskaini zutenekoa; bigarrenak, baserritarrez joan ziren bakarrak, atzean./E.A.
Irabazleek azken pieza eskaini zutenekoa; bigarrenak, baserritarrez joan ziren bakarrak, atzean. / E.A.

Orain arteko ediziotan izan den partehartzaile kopuru handiena izan zen lehian, zazpi bikote guztira

ELI AIZPURUAZPEITIA.

Atzo jokatu zen Sanjuandegiko VI. Trikiti Txapelketa eta Legazpiko Ane Arrizabalaga eta Ane Urzelai, 14 eta 15 urteko neskatilentzat, izan zen txapela. Bigarren postuan gelditu ziren Julen Labaka errezildarra eta Garazi Larrañaga azpeitiarra.

Orain arteko ediziotan baino bikote gehiagok hartu zuen parte txapelketan. Zazpi izan ziren guztira eta bikote bakoitzak hiruna pieza eskaini zituen jendez gainezka zegoen Sanjuandegiko karpan.

Estraineko bi bikotek izan ohi dute saria baina partehartzaile guztiek jaso zuten XJ Auzolaneaneko kideen eskutik, eskupeko bana. Honakoak izan ziren gainerako partaideak: Eider Garro, 14 urte, eta Araitz Elizalde, 14 urte (Hernani); Ianire Segurola, 13 urte, (Hernani) eta Elaia Diaz, 13 urte (Astigarraga); Intza Ilarramendi, 12 urte, eta Maria Illarramendi, 9 urte( Zestoa); Nahia Dorronsoro, 15 urte, (Bidania) eta Iraia Arteaga, 15 urte (Urrestilla); eta Araitz Etxaniz, 13 urte (Azkoitia) eta Enaitz Alberdi, 12 urte (Azpeitia).

Sariekin batera, antolatzaileek oroigarria eman zioten Andoni Lizarralderi «urte hauetan guztietan trikitiaren eta euskal kulturaren alde» egiten ari den lanagatik (saioa grabatu ohi du urtero).

Contenido Patrocinado

Fotos

Vídeos