Aritz Soraluze eta Alejandro Franco irabazle, Sanjuandegiko Xake Txapelketa herrikoian

Jose Antonio Agirre plazan elkartu ziren xakelariak. / IÑAKI URANGA
Jose Antonio Agirre plazan elkartu ziren xakelariak. / IÑAKI URANGA

Bi mailatan jokatu zen txapelketa, gaztetxoen eta senior kategoriatan

ELI AIZPURU AZPEITIA.

Xakeak ere izan du tartea Sanjuandegiko jaietan. Honela, IV. Xake Txapelketa Herrikoia jokatu zuten Jose Antonio Agirre plazan. Bi mailatan banatu zuten txapelketa: gaztetxoen mailan eta senior kategorian.

14 urtez azpikoen mailan, bost minutuko bederatzi partida jokatu zituzten. Neurketa guztiak jokatu ostean puntuazio altuena lortu zuen Aritz Soraluze jokalariak eta, horrenbestez, berarentzat izan zen oroigarri nagusia. Beñat Aristegik eta Jon Gonzalezek osatu zuten gaztetxoen podiuma.

Senior mailan, aldiz, bost minutuko hamaika partida jokatu zituzten parte-hartzaileek, eta Alejandro Franco izan zen irabazlea. Aitor Priya sailkatu zen bigarren eta Patxi Isasmendi hirugarren.

Balorazio «positiboa»

Xaputarrak Xake taldeak eta XJ Auzolanean-eko kideek sariketa antolatzen duten laugarren urtea izan da aurtengoa, eta antolatzaileek adierazi dutenez, «gustura» gelditu dira izan duen erantzunarekin.

Contenido Patrocinado

Fotos

Vídeos